بقلم : محمد جبريل
إسكُنينى سكون وهرضى
أسكُنينى سرير ومرضى
إسكُنينى ذِكر صوفي
وإعملي قلبي مقام
زوري وإدعي هناك وطوفي
طمنينى فـ وقت خوفي
قربيني لو ظروفي
غربتني طير مهاجر
قلبى اصلًا بيت قديم
من زمان إصحابوا سافروا
سابوا بس الذكريات
قلبى ده ربان سفينه
لما مالقاش الشطوط
تاه فـ بحر مالهوش آخر
كوني إنتي المدينه
وصليه وإرميه يجرب
قلبى عارفُه وحافظه صم
يبعد سنين وفـ يوم يقرب
زي لما فُلان يسافر
يبقى متغرب سنين
فجأه يرجعله الحنين
تبقى مصر عنده شيىء
لا يُقدر بالدولار
الحنين بيزيد تملي مهما طال الأنتظار
وإبقي شوفي
فـ إسكُنيني ذكر صوفي
وإعملي قلبي مقام
زوري وإدعي هناك وطوفي