القاهرة - المغرب اليوم
حلّت الفنانة حورية فرغلي ضيفةً على برنامج "كشف حساب" الذي تقدّمه الإعلامية إنجي هشام على مواقع التواصل الاجتماعي، حيث كشفت عن حقيقة تعرّضها لموقف محرج مع الفنان محمد رمضان، وذلك بعد انتشار أخبار عن امتناعه من إلقاء التحية عليها في أثناء تصويره مسلسله الشهير "الأسطورة"، رغم نجاحهما معاً في فيلمَي "عبده موتة" و"قلب الأسد"، وأثر ذلك في وجود خلاف بينهما.
وقالت حورية فرغلي في تصريحات إعلامية: "محصلش إني روحت لمحمد رمضان الكواليس لما كان بيصوّر "الأسطورة" ومرضيش يسلّم عليا، أنا كنت بصوّر قريب منه وقتها فيلمي "طلق صناعي"، وعرفت إنه في نفس المكان روحت سألت عليه قالولي بيصوّر قولتلهم قولوا له إني عايزة أسلّم عليه، وبعدها اليوم خلص وأنا كمّلت شغلي عادي".
حورية فرغلي: محمد رمضان طلب مني المشاركة في "عبده موتة"
وأضافت حورية فرغلي: "مقولتش إني مثّلت معاه مجاملة، قلت كلّمني وأنا بصوّر "حكايات بنات"، واشتغل قبلها في "دوران شبرا" كأول مسلسل ليا لقيته بيكلمني وبيقولي يا أستاذة لقيت المنتج اللي هيعملي أول فيلم في السينما، كنت عايز أطلب من حضرتك طلب، البنت اللي المفروض هتبقى قدّامي مش لاقيين الحد المناسب، قاللي حضرتك ممكن تيجي مكانها؟ قولتله طبعاً ورحتلّه عند أحمد السبكي وكنت أول مرة أعمله ومضيت "عبده موته"، وقولتله ده كادوه مني ليك، وبعدين عملنا "قلب الأسد" ومخدتش أجر".
وأوضحت حورية فرغلي أنها لا ترى محمد رمضان "نمبر وان" كما يلقّب نفسه، قائلةً: "هو شايف نفسه رقم واحد ده براحته، لكن كل زملائي رقم واحد في حتتهم وشغلهم المميز، ولو عرض عليا اشتغل معاه أكيد هوافق ده نجم كبير".
قد يهمك أيضــــــــــــــا