القاهرة - المغرب اليوم
في ردّها الأول على جدل منشوراتها السابقة والتي فسّرها البعض أنها بسبب خلافات مع الفنانة ياسمين عبد العزيز وصنّاع مسلسل "وننسى اللي كان"، نشرت الفنانة منة فضالي عبر حسابها الخاص في "فيسبوك" فيديو حسمت من خلاله الأمر ونفت فيه كل ما تردد عن وجود خلافات بينها وبين ياسمين عبد العزيز.
وقالت منة في الفيديو: "الفيديو دا أنا عملته نظراً للجدل اللي حصل اليومين اللي فاتوا، وأنا مش مبسوطة لأن كل واحد بيكتب على مزاجه".
وأضافت: "الفيديو دا علشان ياسمين عبد العزيز الست دي أنا باحترمها جداً وبأحبها جداً على المستويين الشخصي والإنساني، ومفيش أي مشاكل معاها خالص لأن ياسمين مبتعلمش مشاكل أصلاً... وأنا معنديش أي مشاكل مع أي حد في المسلسل ولا مع فريق العمل ولا الشركة المنتجة ولا أي حد تاني، ممكن يكون عندي مشاكل تانية ومش شرط يكون عندي مشاكل في المسلسل".
وتابعت: "أنا ببارك لياسمين على "جليلة" وببارك لزملائي على المسلسل، وبدل ما تكتبوا كلام ملوش أي لازمة اكتبوا رأيكم في المسلسل وفيّ وفي زمايلي ومش عايزة جدل كتير وكلام أنا مقلتوش".
ووجّهت منة فضالي رسالة الى متابعيها قالت فيها: "أنا باشكركم على التعليقات والرسايل اللي بتجيلي، إحنا تعبانين وبنبذل مجهود، خصوصاً إننا في رمضان وصايمين فخفّوا علينا شوية".
قد يهمك أيضــــــــــــــا
منة فضالي تتحدث عن قناعاتها الشخصية وحبها للحيوانات وتجاربها مع الموت والحياة