هاجمت الفنانة زينة ، الفنان أحمد عز، عبر حسابها على موقع التواصل الاجتماعي "إنستغرام"، ونشرت "زينة" صورة لدجاجة، وعلقت عليها قائلة: "هسأل سؤال عجيب شوية، هو الدجاجة كل شوية يقول لأي حد يكلمه ادعيلي، طب تيجي إزاي؟ حد يفهمني".

وأكملت زينة قائلة: "يعني قبل كده كلم أم مريم قالها ادعيلي ياحاجة، يعني مثلا الست دي هتدعي تقول إيه؟، روح يا ابني ربنا ينصرك على ولادك، ولا ربنا ينصر الباطل على الحق، ولا ربنا يساعدك ويقويك على ظلم ولادك يا ظالم، ولا ربنا يقدرك تظلم طفلين، ولا ربنا ينتقم من ولادك وأمهم، ولا ربنا ينتقم من طفلين ملايكة علشان ظهروك على حقيقتك يا كذاب، ولا ربنا ينصر الكذب والظلم والتشهير في كل الدنيا؟".

ووجهت "زينة" سؤالها لجمهورها قائلة: "تفتكروا أنتوا يدعوا لدجاجة بأيه مثلا؟"، مختتمة حديثها قائلة: "الحمدلله طبعا ربنا نصرنا عليه، بس كان نفسي أعرف هيدعوا يقولوا إيه".