شنت الفنانة زينة هجومًا على الفنان أحمد عز ، قائلة إن فيلم «ولاد رزق فشل بسبب موقفه معها».

وقالت «زينة» عبر حسابها الرسمي بـ«إنستغرام»، السبت: «أنا آسفة لجمهوري الغالي اللي وعدته إني مش هاذكر المدعو ده تاني، بس كمان أنا مش هاسكت لأي كلمة تتقال كدب زي ما وعدتكوا، ودي رسالة مني ردًا على البيان المسمى بحوارت صحفية للمدعوا أحمد عز أحب أقوله (مش لإن فيلمك فشل والناس مش طايقة تشوفك) لأنك ببساطة تصرفاتك لا تمت للرجولة بصلة، أحب أقولك استرجل وبطّل تجيب اسمي واعرف إن في حكم محكمة وتحترمه غصب عنك لأنه حكم رجّع لولادك حقهم وبُكره يكبروا ويعرفوا إنك حتى ماتستهلش تكون بني آدم».

وتابعت «زينة»: «لِمّ نفسك وكفاية رخص وابعد عننا بكدبك الرخيص، وبدل ما تروح تشتكي وتعيط في كل مكان وتعمل شكاوى وتشغل ناس بكدبك احترم حكم المحكمة، أو هات دراعك ناخد منه شوية دم نعمل التحاليل (دي إن إيه) dna، ده لو عندك أصلا، ولاد عز مش هما سبب فشل ولاد رزق، والمرة الجاية لو فتحت بقك علينا تاني عليا أنا وولادك انتظر المفاجأة في الوقت المناسب كالعادة وأخيرا وأنا عارفة إنه صعب، أحمد عز حاول تكون محترم، وأخيرا الحمد لله ربنا ظهر الحق وجاب لنا حقنا ابعد عننا بقى وحسبي الله ونعم الوكيل».