حلّت الفنانة مي فاروق، ضيفة على برنامج "عندي سؤال" المذاع عبر قناة "الجديد" حيث تحدثت للمرة الأولى عن تجربة زواجها الأول، موضحة أنها كانت تجربة مريرة استمرت 12 عامًا، وأنها فقدت الثقة بمن حولها وبموهبتها بعدها.

وقالت مي: "الزواج ده نتج عنه أحلى حاجة في عمري أولادي زينة ومالك، واستمر 12 سنة، وبالنسبة لمي لوحدها بعيدًا عن الأمومة، الأسود كان كتير في الـ12 سنة دول، أنا مكنتش عندي تجربة وطول الوقت مقفول عليا، ودي كانت أول تجربة حقيقية أمر بيها".

وتابعت: "التجربة دي تركت فيَّ ضرر داخلي رهيب، مريت بتجارب نفسية عمري ما كنت أتخيل إني همر بيها، وكنت بعديها لأني أم، وصعوبة الموضوع انعكس على نفسيتي وبدأت تخليني أفقد الثقة في الناس وفقدت الثقة تمامًا في نفسي وكنت شخصية مهزوزة جدًا".

وأضافت مي فاروق: "شكيت في نفسي وشكلي وموهبتي وإني أصلًا أصلح أغني، أنا بغني ليه؟، أنا مش عايزة حاجة، كنت فاقدة الثقة في كل حاجة في حياتي، كان عندي إحساس بنسبة 99% على مدار 24 ساعة في اليوم إني حالًا هموت وأسيب ولادي، كان عندي رعب، والتربية القديمة بتاعتنا إن البنت مينفعش تتطلق وتكمل علشان الأولاد ده أكبر مبدأ غلط في الدنيا، أنا اتربيت إن البنت بتطلع من بيت أبوها على بيت جوزها على التربة، أنا انفصلت أول مرة برضا والدي لما بنتي كان عندها 5 سنين، ورجعت بسبب إحساس بالذنب، وربنا رزقني بمالك، وانفصلت تمامًا في 2018، وكان سهل جدًا أطلب الطلاق لأن المكان مش مكاني".

واستكملت: "إيه اللي هضحي علشانه وأكتر من 12 سنة من عمري وفي الآخر أفقد نفسي وولادي عايزيني، عديت بمواقف عمري ما كنت أتخيل إني هعدي بيها، أنا طالعة ببنوتة عندها 11 سنة وبتبدأ سن مراهقة، وطالعة بيهم عندهم شوية مشاكل من الانفصال، اللي عيشته كان قاتل، أنا بموت نفسي وولادي كانوا هيعيشوا يتامى الأم".

  قد يهمك أيضــــــــــــــا

مي فاروق تحيي ذكرى أم كلثوم في مهرجان قرطاج الدولي بأداء استثنائي وتكريمٍ رائع

نفاد تذاكر حفل مى فاروق بمهرجان قرطاج الدولى فى نسخته الـ 59