طالب الفنان حسن الرداد بمعاقبة الكاتب الصحفي الذي نشر وروج لشائعة القبض على الفنان عمرو يوسف، وزوجته الفنانة كندا علوش بتهمة حيازتهم مادة الكوكايين المخدرة، والتي أثارت الجدل، أمس الأول.

وقال الرداد، عبر حسابه الشخصي "إنستجرام": "عايز أشكر الصحفيين المحترمين اللى بيراعوا ضميرهم وبيحترموا شرف مهنتهم ولم يتناولوا الخبر الكاذب الملفق اللى تداولته بعض المواقع عن الزميل والأخ والصاحب والنجم عمرو يوسف وزوجته، طبعًا الخبر اتنفى وكل حاجة، لكن هو بقى أى حد عايز يكتب أى حاجة يكتبها لمجرد إنه شغال فى جريدة أو موقع إلكتروني؟ هل الفنان مباح إنه يتلفق له أى خبر لمجرد إنه مشهور عشان الجريدة أو الموقع يعمل (فرقعة صحفية)، عمرو يوسف من أنقى وأطيب وأكثر الناس احترامًا وأخلاقًا هو وزوجته العزيزة، مش بقول الكلام ده عشان صاحبى، لكن الموضوع أكبر من مجرد خبر خايب نزل عن عمرو، كدة بقى أى حد عايز يكتب عن أى فنان أى تهمة يكتب براحته ويحاول يشوه سمعته على مزاجه، عشان كدة لازم محاسبة كاتب هذا الخبر حتى يكون عبرة لغيره، لأنه فى البداية يسيء إلى الصحفيين المحترمين الشرفاء اللى بنحترمهم جدًّا قبل أن يسيء للفنان المنسوب إليه الخبر، وعايز أقول للمحترم الخلوق#عمرو يوسف، معلش ضريبة الشهرة يا صاحبى".