استنكرت الفنانة منة فضالى ما وجهته الفنانة شيرين عبد الوهاب من إساءة للهضبة عمرو دياب من خلال مقطع فيديو تم تداوله من حفل زفاف عمرو يوسف وكندة علوش.

ووجهت "فضالي" اللوم للفنانين الذين تواجدوا فى الحفل لدخولهم فى نوبة ضحك على ما تردد من شيرين وذلك من خلال تعليق لها على "الفيس بوك" قائلة : "طبعا أنا من عشاق صوت شيرين ولكن مش علشان نجامل أو نطبل لحد نغلط في الناس والناس اللطيفة اللي بتضحك أوي وللأسف هما زملاء مهنة بتضحكو علي إيه ؟، حتي لو مش في وعيك وفي مود تاني عيب عيب أوي أوي عمرو دياب أنتي اتربيتي علي أغانيه وكل الجيل اللي في سنك واللي بعدك".

وأضافت قائلة :" راجعي نفسك انتي بتغلطي كتير أوي متنسيش أن الجمهور له دور قوي في نجاحك عمر الغلط ما حيفيدك بلعكس حتخسري كتير اوي، وبعدين مننساش نفسنا كنتي ايه وقتها وعمرو دياب كان ايه، وبكره السن اللي بتتكلمي عليه حتوصليلو بس متعرفيش شكلك حيكون ايه أوصحتك عامله ازاي و الأعمار بيد الله، خساره شرين عبد الوهاب نزلتي من نظري ونظر كل الناس، للعلم عمرو دياب من اصدقائي اللي انا بحبهم و بحترمهم و اللي أعرفه مهما كبر عمر ما حد من الجيل الجديد حيحقق أو حيوصل للمكانة ولا للنجاح زيه ، عمرو دياب ستظل رقم ١ ،، عمرو دياب خط أحمر".