انتقدت الفنانة الشابة أميرة هاني، موقف الدولة تجاه تصرفاتها مع مرض كورونا، خاصة في ظل قلق العالم بأكلة من المرض والتعامل معه بحرص شديد من خلال منع الإجازات، وغيرها من الاحتياطات التي من شأنها أن تكون السبب في تجمع الناس.

وعلقت  على حسابها الشخصي بموقع التواصل الاجتماعي "فيس بوك"، قائلة:" أنا عامةً مش من الشخصيات اللي بتحب تكتب بوستات و تعترض لإن كل واحد أدري ب شغله!! بس هو ليه مصر الوحيدة اللي لم تعلن حالة الطوارئ و إدت أجازات للناس أسبوع عشان تفض الإختلاط و المولد ده؟؟؟".

وأضافة :"العالم كله أعلن حالة الطوارئ إلا مصر، ده وباء عالمي، ده العُمرة و الحج اتمنعوا و عندنا حالة ف مصر اتوفت امبارح ، و حالة طلعت ايجابية و أمريكا القوة العظمي أعلنت حالة الطوارئ و إدت أجازات، و رئيس وزراء بريطانيا قال خطاب بيندب فيه و دي حاجة ولا العلم ولا أي قوة هتوقفها غير الخالق ب رحمته ،كل العالم ادي أجازات عشان يقلل من الاختلاط الا مصر، خيرررر؟ لا بجد خيررررر؟".

واختتمت أميرة حديثها قائلة:" أرجوا إن المسئولين يهتموا الموضوع مش هزار، خلوا الناس تقعد ف بيوتها مع اهلها لحد ما ربنا يعدي العالم من الأزمة دي علي خير، العالم كله مرعوب وانتوا فاتحين صدركوا و عاملين من بنها!؟؟ ادوا أجازات".

قد يهمك أيضَا :

ليلى علوي تكشف سر رسوبها في سنة تخرجها 3 سنوات متتالية

تعرف على كواليس علاقة ياسمين صبري وأحمد أبو هشيمة وتوقيت زواجهما